Toc - toca: observación de minerais

Este ano foi declarado pola Asamblea Xeral das Nacións Unidas como o Ano Internacional da Cristalografía.

 
Para conmemoralo decidimos expoñer unha pequena colección de minerais, seleccionada polo departamento de bioloxía e xeoloxía, e describir as súas estruturas internas, que non son outra cousa que átomos perfectamente ordenados no espazo.

Cando unha substancia ten este tipo de estrutura dise que é "cristalina". Pola contra, se unha substancia non é cristalina decimos que é "amorfa" e que, polo tanto, as partículas que a forman están desordenadas.

Un exemplo dun material amorfo é o vidro, mentres que exemplos de materiais cristalinos témolos nos minerais: seixo, pirita, diamante,...

Sabes agora distinguir entre "vidro" e "cristal" ?

Nesta presentación resumimos as características que teñen os minerais:

Toc - toca: propiedades dos líquidos

Un grupo de estudantes de 4º de ESO realizou un pequeno proxecto de investigación no laboratorio sobre varias propiedades físicas dos líquidos. Tiveron algún que outro atranco na fase experimental e nas gravacións dos vídeos. O tempo non deu para máis, pero o resultado foi bastante xeitoso. 

 

Aquí tedes un resumo de todo o realizado. Colaboraron nas explicacións e demostracións María, Sara, Noelia, Alex e Diego. Na cámara Nuria. 

 

Propiedades dos líquidos from marelatarabela

Aromas do mundo

"Prestamos" o noso recuncho de ciencia para unha pequena exposición de aromas do mundo, enmarcada dentro do proxecto interdisciplinar "Somos diversos" e realizada polo grupo de traballo Kale/Kela. Velaquí tedes unhas fotos.

Toc - toca: Matemáticas máxicas

Matematicas maxicas from marelatarabela

Visita ao MUNCYT

A semana pasada alumnos e alumnas de 4º ESO e 1º de bacharelato do noso IES visitaron a sede coruñesa do Museo Nacional de Ciencia e Tecnoloxía. Alí puideron entrar na cabina do avión que trouxo a España O Guernica en 1981 , ver aparellos tecnolóxicos e de laboratorio antigos e mesmo coñecer como era o primeiro acelerador de partículas que houbo no noso país.

 

Ao tempo que percorrían as distintas salas, fixeron unha actividade de busca do tesouro organizada polo propio museo. Nesta actividade, o alumnado tivo que responder, competindo en grupos, a un amplo cuestionario con preguntas relacionadas principalmente coa historia da ciencia e da tecnoloxía.

 

Dúas horas lendo carteis, observando aparellos, escoitando as explicacións da nosa guía e anotando datos. E despois a comer para á tarde ir ao concurso de robótica. Día intenso.