Amosando publicacións coa etiqueta Bioloxía. Amosar todas as publicacións
Amosando publicacións coa etiqueta Bioloxía. Amosar todas as publicacións

8 de febreiro de 2024

CienciAtiras (70): As árbores

Darwin e Mendel

"Mendel presentou os seus traballos nas reunións da Sociedade de Historia Natural de Brünn o 8 de febreiro e o 8 de marzo de 1865, publicándoos posteriormente como Experimentos sobre híbridos de plantas (Versuche über Pflanzenhybriden) en 1866 nas actas da Sociedade. Os seus resultados foron ignorados por completo, e tiveron que transcorrer máis de trinta anos para que fosen recoñecidos e entendidos." (na Galipedia)
Que non armaría Darwin se  soubese deles! 


de Carlos Ruas en Um sábado qualquer.

8 de decembro de 2023

Con B de Ciencia (13) : Cerebrómic


Ficha editorial.

Referencias:

de Medicina Gráfica (Eugenia García Amor): "“Cerebrómic” es un cómic divulgativo con un dibujo a todo color al más puro estilo tebeo. En contadas ocasiones incluye alguna ilustración anatómica detallada (es difícil recurrir a la metáfora para explicar la vía visual), pero huye de la representación literal para explicar en clave de humor, sin perder el rigor científico, los misterios del cerebro. " [ler máis...]

de Alejandro Martínez: "Cerebrómic está planteado como una entrevista a cargo de una popular periodista al propio cerebro. Será el cerebro quien nos explique cuáles son sus partes y las funciones, o cómo transmite la información sensorial a través de la red extendida por todo el cuerpo. Una vez comprendamos esto, será mucho más sencillo poder comprender las patologías surgidas a partir de un mal funcionamiento de determinadas regiones o estructuras neurológicas.
Es cierto que, a pesar de ese original planteamiento en forma de entrevista, aporta mucha información y a veces el texto es inevitablemente denso, pero creo que seleccionan muy bien la teoría para que en todo momento parezca más una explicación informal que una sucesión de frases sacadas de un libro de anatomía o fisiología. Además, personalizan determinadas estructuras como las neuronas, los axones, y otras tantas, aportando un tono cartoon en plan Érase una vez la vida que puede resultar útil a la hora de conectar con lectores más jóvenes a los que enumerar sin más las diferentes partes o estructuras puede hacerles desconectar en el minuto 1." [ler máis...]

desde a Marela BD.


9 de abril de 2023

Con B de Ciencia (12): Algas verdes


Ficha editorial

Referencias:

de Juan R. Coca: "Algas verdes. La historia prohibida nos cuenta como los problemas ambientales y de salud no son tenidos en cuenta ante los intereses económicos y los valores neoliberales. La obra está centrada en un caso de contaminación por algas en las playas de Bretaña. Estas algas producen toxinas que afectan a la salud de los organismos y, periódicamente, terminan en las playas de dicha región francesa.
El cómic, desde una perspectiva realista, nos adentra en un trabajo documental sobre la investigación de este problema ambiental. A lo largo de la narración se nos va a mostrar la manera en que diversas instituciones son manipuladas y alteradas para evitar, en lo posible, que se produzcan efectos económicos negativos. Al fin y al cabo, las plazas son uno de los mayores atractores de turismo. Por lo que se podría generar un impacto en la economía local que pocos desean" [ler máis...]

de Diego García Rouco: "En Algas verdes /.../ nos cuentan una historia que solamente nos puede generar miedo, pero, que, a diferencia de otros cómics, no se trata de una obra de ficción. Se trata de una realidad que debemos conocer y cambiar si aspiramos a que el mundo del mañana sea habitable para nuestra descendencia. Un cómic que resume a la perfección y hace accesible un trabajo periodístico complejo y minucioso." [ler máis...]

Desde Marela BD.

3 de abril de 2023

Exploración do Pontiñas

A semana pasada, o alumnado de Xeografía de Bacharelato, coa dirección da súa profesora, Marta Otero,  realizou un estudo da auga do Rego das Cabirtas, desde antes do lago do Pontiñas ata O Espiño.

O inicio da actividade implicaba o recoñecemento da flora e fauna de ribeira e, aínda que as árbores están comezado a abrir, o seu porte, a tona ou algunhas inflorescencias e amentos permitían recoñecer os salgueiros, ameneiros e bidueiros. A cor amarela poñíana as leitarugas e o bugallón. Ocas, patos, unha garza, ras e bolboretas foron acompañando os estudantes durante o seu traxecto río abaixo.

A primeira parte do estudo da auga consistía en comprobar se o lago artificial afectaba á velocidade e arrastre de sedimentos do regato, varias medicións, usando cortizas arrastradas pola auga permitiron ao alumnado analizar a velocidade; a recollida de auga servirá para comprobar os pousos que deixa cada zona e, xa no momento, observar a presenza dalgúns animaliños coma miñocas ou zapateiros. Pero a parte que lles resultou máis atractiva e sorprendente foi a comprobación da cantidade de residuos que forman parte do leito, xa desde a súa  parte inicial, especialmente nitratos, probablemente produto da actividade gandeira da zona. As tiras reactivas non deixan lugar a dúbida sobre a contaminación da auga.




As medicións e tomas de mostras fóronse repetindo en varias ocasións, mentres o vento que achegaba a borrasca propiciou outra explicación sobre o cambio de altas a baixas presións atmosféricas. 

No tramo final do regato, á altura do Espiño, nin é necesario recoller mostras: a canalización que verte augas residuais, directamente ao rego, xa o di todo. Aínda así, os rapaces recolleron as mostras entre restos de toalliñas hixiénicas procedentes das augas fecais, que abaneando nos ameneiros indicaban ata onde chegara o caudal do rego nos momentos de máis enchente.


















28 de marzo de 2023

Prevención da enfermidade renal

O alumnado do 1º curso do STEMBACH, acompañado dos seus profesores Ana Penas Facorro e Luis Guitián Astray, vén de participar na Xornada de prevención da enfermidade renal, organizada pola Fundación renal Íñigo Álvarez de Toledo, que se desenvolve ao longo da xornada deste mércores 28 nas instalacións do Centro de diálise Teixedal (R/ da Ponte 93, Lalín).

Que mellor maneira de comprobar se o teu é realmente o ámbito da Medicina que participar destas experiencias? En palabras dos responsables do centro "45 veciños de Lalín, e a comarca do Deza, pasaron polo centro para facérense as probas gratuítas de detección precoz da enfermidade. Así mesmo, os lalinenses participaron nunha xornada de portas abertas na que tiveron a oportunidade de coñecer de primeira man como se leva a cabo unha sesión de diálise, e viron unha simulación na que os pacientes limpan o seu sangue mediante un ril artificial, durante unha media de catro horas por tres días á semana"





Fotografías: Ana Penas Facorro


18 de febreiro de 2023

Ao fío de... Día da muller e a nena na ciencia

Para conmemorar o Día da muller e a nena na ciencia, as alumnas de 4º ESO, coordinadas pola súa profesora Mª Jesús Barcala, están a entrevistar a algunhas das súas profesoras de Ciencias. Este xoves foi a quenda de Ana Penas, bióloga por vocación, aínda que amante da criminoloxía (seica culpa de CSI As Vegas) e estudante de Dereito nos seus primeiros anos universitarios. Picade no enlace se queredes escoitar o Podcast completo.


Nas fotos, de Mª Jesús Barcala, Ana Penas diante do micro verde.


16 de febreiro de 2023

Prácticas do STEMBach na Facultade de Bioloxía.

Tardes de prácticas de Microbioloxía para o alumnado do STEMBach na Facultade de Bioloxía da USC. Xa están en marcha os traballos finais de investigación sobre a identificación de bacterias Gram-produtoras de antibióticos e resistentes aos mesmos.

Texto e fotografías de Natalia Fernández







10 de novembro de 2022

Visita ao CiMus

 Este martes 8 de abril, o alumnado de 2º do Bacharelato STEM visitou o CIMUS acompañado da súa profesora Natalia Fernández, quen nos deixa a súa crónica do día: 

"Nesta xornada exerceu de anfitrioa Cristina Iglesias, antiga alumna do IES Aller Ulloa, e actualmente bióloga e investigadora neste centro da USC, punteiro a nivel mundial. Cristina amosounos o laboratorio e explicounos o proxecto no que están traballando ela e o equipo de "Metabolismo Molecular" do que forma parte. Contounos como traballan no grupo "Liver team" estudando os cambios metabólicos en hepatocitos de ratas sometidas a dietas con diferentes proporcións de graxa e como inflúe no metabolismo da obesidade, e que fan no grupo "Brain Team" estudando no hipotálamo de ratos e ratas, unhas células da Glía chamadas Tanicitos, que tapizan o terceiro ventrículo encefálico e de grande importancia, posto que ademais de revestir as súas paredes emiten unhas prolongacións cara ás neuronas hipotalámicas e parece que interveñen en importantes procesos metabólicos, ademais de ter capacidade neuroxénica.

Tamén nos amosou como manipulan xeneticamente os tanicitos mediante Esterotaxia, un procedemento mediante o que inxectan virus con ARN nas células do hipotálamo dos ratiños para inhibir a expresión xénica das proteínas.

Vimos as salas de cultivos, a sala de crioxenia onde manteñen as liñas celulares dos diferentes proxectos de investigación do CiMus en N líquido a -170º, microscopios de fluorescencia e moitas cousas máis que non conto para non abrumar.

Como me enorgullece e alegra ver que os meus antigos alumnos e alumnas se abren camiño e fan cousas tan importantes para a sociedade!!"

Achegámosvos o enlace á información que hoxe ofrece La Voz de Galicia sobre a actividade.




21 de outubro de 2022

PMAR na loita contra o cancro de mama

Este 19 de outubro, o alumnado de PMAR, coa súa profesora Ana Penas Facorro, decidiu traballar sobre o cancro de mama. 

Despois de buscar información sobre a enfermidade, a prevención e o tratamento; as rapazas e os rapaces deste grupo de 2º da ESO deseñaron e confeccionaron un cartel para recordar á Comunidade Educativa do IES Aller Ulloa a necesidade de visibilizar e desdramatizar esta doenza que a todos e todas nos toca de cerca.

Deseño do cartel: Lúa Fernández López. Fotografías: Ana Penas Facorro





22 de febreiro de 2022

Campaña de doazón de medula ósea

O alumnado de Cultura Científica (4º da ESO), coordinado pola súa profesora Charo Fernández Blanco, promoveu unha campaña de doazón de medula ósea entre o alumnado do centro. 

A actividade tivo dúas fases:
1. Elaboraración de carteis que mostran en que consiste a leucemia e información de como pode ser combatida grazas ao transplante de medula dun doante compatible. 



2. Nunha segunda fase, foron informando polas aulas para facer chegar á rapazada as condicións para poder ser doador.





Se queredes máis información sobre a doazón de medula ósea podedes acceder á web da Fundación Josep Carreras


20 de febreiro de 2022

Bronce para Denís Iglesias

Denís Iglesias Montes e Adrián Llinares Juiz, alumnos de 2º de Bacharelato do noso IES, metéronse na final autonómica da Olimpíada de Bioloxía. Dos 169 participantes da primeira fase (celebrada online) só 30 pasaron á final, e aí estaban Adrián e Denís. 

Na segunda fase, celebrada o venres na Universidade da Coruña,  Denís fíxose co terceiro posto, e representará a comunidade galega na fase nacional. 

Parabéns para os dous.

Fotografía : La Voz de Galicia



10 de febreiro de 2022

Visita ao Centro de Investigacións Biolóxicas (CIBUS)

 Por Natalia Fernández, Profesora de Bioloxía

O mércores 2 de febreiro, o alumnado STEM de 2º do Bacharelato desprazouse ata os laboratorios de Microbioloxía da Facultade de Bioloxía da USC, para levar a cabo unha práctica con bacteriófagos, os virus que infectan as bacterias.
Tras rematar a actividade, pasearon polo Campus Sur, achegándose ata o Observatorio Astronómico da USC que, ao igual que o noso centro, leva o nome do astrónomo de Lalín,  Ramón Mª Aller Ulloa,
Despois de xantar visitaron o Museo de Historia Natural da USC Luis Iglesias, onde puideron apreciar, entre outras moitas cousas, a magnífica colección de minerais e rochas que alí se expón, así como os modelos cristalográficos de madeira que pertenceron ao matemático de Bermés, Xosé Rodríguez González.





 Ao fío da visita, dous dos alumnos do STEM achegáronnos a seguinte reflexión:

"A actividade resultou moi interesante ao non poder facer uso no laboratorio do noso instituto destas técnicas coas que puidemos observar a actuación de bacteriófagos en disolucións con bacterias. Ao mesmo tempo, puidémonos facer unha idea aproximada do que é a vida na Universidade, e ata accedemos ao interior dos edificios das Facultades de Bioloxía e Medicina"

Marta García e Adrián Llinares, 2º Bac. A