Actividades do 11 de febreiro: papiroflexia con Teresa Otero

Velaquí algún dos traballos realizados por Teresa...

… e aquí alumnas e alumnos de 2º de ESO iniciándose na arte do origami. 

Xogos matemáticos

Estes vellos amigos fixéronnos compañía durante todo o mes de outubro. 

Para a semana, empezamos a contarvos o toc-toc de novembro.

Premios do Concurso de reloxos de sol

O pasado luns déronse a coñecer os equipos gañadores do Concurso de construción de reloxos de sol, unha actividade toc-toqueira coordinada polo departamento de matemáticas.

Lectura da acta.

O primeiro premio ex-aequo foi para o trío constituído por David Fernández Sucasas, Antonio García Pereiro e Miguel González Golmar e o cuarteto que integraron Alex Ledo Lançao, Alfonso Manuel López González, Iker Nuñez Silva e David Saavedra García.

O terceiro premio correspondeulle a Iván Iglesias Vázquez, Hugo Pérez Nieves, Roi Rivas García e Aarón Rodríguez Mosquera.

 

Parabéns a todos!

Construamos reloxos de sol

Aínda que non esteas en 1º ESO, nin noso instituto, podes probar.

 

Toc - toca: 2015 Ano Internacional da Luz

A Asemblea Xeral das Nacións Unidas declarou 2015 como o Ano Internacional da Luz e das tecnoloxías baseadas na luz. Non é casualidade que se escollese precisamente este ano. E a razón non é outra máis que a conmemoración de diversos aniversarios: os traballos no campo da óptica realizados en 1015 por Ibn Al-Haytham, a  natureza ondulatoria da luz proposta por Fresnel en 1815, o 150 aniversario da síntese electromagnética de Maxwell, o centenario da teoría xeral da relatividade de Einstein e as achegas de Charles Khao en 1965 sobre o emprego da fibra óptica nas comunicacións. 

Estanse a realizar actividades de divulgación en todo o mundo, e en Galicia en particular, coa finalidade de achegar á sociedade a importancia da luz a as súas tecnoloxías na vida diaria e fomentar vocacións científicas.

No noso instituto quixemos contribuír tamén cunha actividade conxunta a cargo dos departamentos científico tecnolóxicos dentro da liña Toc Toc a Ciencia. Velaquí tedes unhas fotos do traballo realizado.

No centro o trío:

[Notaredes que Don Albert ten un cadro a maiores. Tratase da reprodución da obra de Míra Szabotin, alumna do ELTE Apáczai Csere János Gyakorlógimnazium de Budapest, que nola envía a través do seu profesor, István Basa].

Á dereita, gañadores e finalistas do noso concurso de fotos científicas e textos e, virando un pouco máis, as mellores imaxes do Hubble, segundo The Guardian, cos textos de Robin McKie  traducidos do inglés pola nosa xente de 2º de BAC B, cos carteis explicativos do funcionamento dun telescopio.

[O telescopio, aí do medio, non é o Hubble: é o noso... e querémoslle]

Á esquerda atopamos uns carteis co fundamento teórico dun láser, un resumo dalgunhas das súas aplicacións prácticas e un proxecto, realizado polo alumnado de 4ºA na aula de tecnoloxía, que consiste na transmisión de son na luz do láser.

Á dereita, un estudo comparativo dos distintos tipos de lámpadas do mercado en canto a consumo enerxético e luminosidade ofrecida. Podedes comprobalo vós mesmos prendendo o interruptor.

[Un dos nosos alumnos consultando por que teñen esas cores tan vistosas os fogos de artificio e como se pode medir a velocidade dunha onda electromagnética. Isto tentámolo na clase de física de 2º de bacharelato e... saiu á segunda ou á teceira, iso si, deixamos un cheiro a regalicia queimada para os que viñeron despois.]

Un chisco máis alá, no recanto, os microscopios ópticos, os carteis que explican o seu funcionamento, varias mostras para observar con eles e un modelo anatómico do ollo humano, co seu correspondente cartel para recordar o mecanismo da visión e a percepción das cores.

De momento non hai máis aínda que o ano é longo e se cadra, antes de que remate, argallamos outra cousa. 

Engadimos (8-5-2015), o custionario-guía elaborado polo alumnado de PDC:

Toc - toca: xincana biográfica

Estes días, e ata final de curso, temos espallados polo insituto pequenos carteis con biografías de científicos e científicas de todos os campos, dende Química, Bioquímica e Matemáticas ata Tecnoloxía, Física ou Informática. O material foi elaborado por membros dos departamentos científico-tecnolóxicos e o resultado podédelo consultar nesta presentación:

Xincana_fichas_biograficas from marelatarabela

Acompañamos a exposición, como ven sendo habitual, dunha mostra bibliográfica con fondos da nosa biblioteca e da colección Los 40 imprescinbles de la ciencia,  que imprimimos en tamaño A3 para ser lida no noso xa famoso "superatril".  

Toc - toca: ilusións ópticas

A información que procesa o noso cerebro é percibida polos órganos dos sentidos, entre eles a vista. Con esta actividade poñemos de manifesto que non sempre podemos confiar nas nosas percepcións visuais. 

Na seguinte presentación tedes unha colección de ilusións ópticas seleccionadas polo Departamento de Matemáticas e algunha máis neste enlace.

O vídeo foi gravado e maquetado polas alumnas de Cultura Audiovisual.

Toc - toca: Matemáticas máxicas

Matematicas maxicas from marelatarabela

Toc-toca: o tangram

O Tangram ou Chi Chiao Pan (táboa da sabedoría) é un quebracabezas de orixe chinesa.

Consta de sete pezas ou "tans" que se obteñen cortando un cadrado en cinco triángulos rectángulos de diferentes tamaños, un cadrado e un trapecio. 

O xogo consiste en usar todas as pezas para construír diferentes formas.

Un paradoxo do tangram

Unha curiosidade que atopamos no tangram é a existencia de varios pares de figuras moi semellantes. Como é obrigado, constrúense utilizando todas as pezas, pero acontece que a  única diferenza aparente entre elas consiste en que nos parece que a unha lle falta unha peza.

http://www.uv.es/buso/tangram/index_es.html

Un conto

http://www.preciolandia.com/es/puzzle-tangram-col-madera-lam-cuadernill-1jlp2t3g-a.html

Toc-toca: Xogos de estratexia

 Dentro da iniciativa Toc-Toc A Ciencia, o departamento de matemáticas propúxonos cinco xogos de estratexia. É un xeito de tocar as matemáticas (tamén cos dedos). 

As partidas destes xogos requiren pouco tempo e as regras son simples. Trátase de dúas condicións necesarias para poderen practicarse no recreo ou noutros ocos do horario.

Os alicientes pedagóxicos sitúanse na procura da estratexia gañadora e, nalgúns casos, o desenvolvemento da visión espacial.

Non nos sorprendeu que a acollida fose excelente. Sempre resulta así cando propoñemos este tipo de actividades.

Neste caso, imprimimos, sobre papel autocolante, os taboleiros (redeseñados co logo de Toc-toc A Ciencia) e  as fichas, e colámolos sobre táboas. Vaia, tamén Bea e Cudeiro tiveron que facer algo de marquetería...! Ao tempo, fixemos unha dobre impresión das regras: unha tamaño folio e outras (de a catro por folio) para que quen quixese puidese levar aquela(s) do seu interese.