24 de febreiro de 2022

Exposición de maquetas de células

Un ano máis a entrada do instituto énchese de maquetas de células eucariotas,  animais e vexetais,  realizadas polo alumnado de 1º da ESO, baixo a coordinación da súa profesora Charo Fernández.

O obxectivo da actividade é que os rapaces e as rapazas do primeiro curso vaian aprendendo as diferentes partes das que consta esta célula, así como a súa forma, e para iso nada mellor que elaborar unha reprodución usando como base esferas de poliestileno ou  láminas de cortiza. Despois toca ir reproducindo o núcleo, a membrana, o aparato de Golgi, as mitocondrias... E aquí a imaxinación de cada quen permitiulle botar man de plastilina, goma eva, gominolas, lacasitos e todo o que tivesen a man.

Aquí vos deixamos unha mostra das moitas maquetas que elaboraron:









23 de febreiro de 2022

Con B de Ciencia (10) : Una carrera de obstáculos

A Carlos, un mozo de dezaseis anos, diagnostícanlle leucemia...

ANFANION (Asociación de familias de niños con cáncer de Castilla - La Mancha) encargoulle a Ciro-Rosell un cómic dirixido a adolescentes sobre o cancro. O resultado foi Una carrera de obstáculos que trata de responder aos múltiples conflitos e interrogantes que iso orixina.

Aquí mesmo o podedes descargar en PDF.

Lembra que na biblioteca temos unha boa selección de títulos de BD sobre o cancro.


22 de febreiro de 2022

CienciAtiras (65) : 22/02/2002

Palíndromo e ambigrama

de Vida de suporte



Campaña de doazón de medula ósea

O alumnado de Cultura Científica (4º da ESO), coordinado pola súa profesora Charo Fernández Blanco, promoveu unha campaña de doazón de medula ósea entre o alumnado do centro. 

A actividade tivo dúas fases:
1. Elaboraración de carteis que mostran en que consiste a leucemia e información de como pode ser combatida grazas ao transplante de medula dun doante compatible. 



2. Nunha segunda fase, foron informando polas aulas para facer chegar á rapazada as condicións para poder ser doador.





Se queredes máis información sobre a doazón de medula ósea podedes acceder á web da Fundación Josep Carreras


20 de febreiro de 2022

Bronce para Denís Iglesias

Denís Iglesias Montes e Adrián Llinares Juiz, alumnos de 2º de Bacharelato do noso IES, metéronse na final autonómica da Olimpíada de Bioloxía. Dos 169 participantes da primeira fase (celebrada online) só 30 pasaron á final, e aí estaban Adrián e Denís. 

Na segunda fase, celebrada o venres na Universidade da Coruña,  Denís fíxose co terceiro posto, e representará a comunidade galega na fase nacional. 

Parabéns para os dous.

Fotografía : La Voz de Galicia