O mércores, 9 de xuño, o alumnado de 1º da ESO visitou a Fraga de Catasós, unha actividade
organizada polo profesor Luís Guitián, que contou cunha abondosa colaboración.
 |
Sapientia naturae
|
A camiñada iniciouse a primeira hora da mañá,
comezando a andaina desde o instituto. Durante o percorrido a comitiva pasou por diferentes parroquias
de Lalín e houbo pequenas paradas en puntos de interese con breves explicacións
ao alumnado por parte do profesorado acompañante (Fernando Pereira, Ramón
Faílde, Luz González, Xulio Taboada, Alba Payo e Luis Guitián) sobre a historia
da Igrexa de Lalín de Arriba, a Dorsal Galega, as plantacións de
lúpulo, o Pazo de Quintela onde viviu Emilia Pardo Bazán...
Unha vez na Fraga, houbo un breve repaso das especies
autóctonas máis relevantes, que o alumnado tivo que recoñecer para logo realizar o
seu herbario anual na materia de Bioloxía.
Ao fío da andaina á
Fraga de Catasós, unha alumna e dous alumnos do grupo D achegárannos as súas impresións sobre a camiñada:
Na actividade de
hoxe fomos á Fraga de Catasós. Para ir, fixemos unha ruta a pé ata chegar alí.
De cando en vez iamos parando, para que as profesoras e os profesores nos
explicasen cousas sobre Bioloxía, como curiosidades sobre algunhas árbores;
pero tamén aspectos relativos á Xeografía e á Historia, por exemplo onde pasou
moito tempo Emilia Pardo Banzán, mentres estaba a escribir "Los Pazos de
Ulloa". Tamén cales eran as montañas que se vían ao fondo, de que século é
a igrexa de Lalín de Arriba etc.
Estar alí foi moi
divertido. Pasaron moitas cousas...
Volvemos ao
instituto en autobús, pero non con quen quixésemos.
María Villamarín
Hoxe fomos á Fraga de Catasós, un lugar moi bonito cheo de árbores
autóctonas. Polo camiño fomos facendo distintas paradas en lugares históricos
como na Igrexa de Lalín de Arriba na que a profesora de Historia nos contou que
alí foi o verdadeiro inicio de Lalín; ou no pazo no que veraneaba Emilia Pardo
Bazán, unha escritora galega. E o profesor de Bioloxía explicounos os distintos
tipos de árbores que hai na fraga. Gustoume moito ver que o ser humano non
poida intervir na natureza ao seu antollo para saber realmente coma é.
Samuel Fernández
Hoxe fun á Fraga de Catasós, resultou moi divertida
esta saída porque foi especialmente diferente, xa que dende o curso pasado non
fora a ningunha excursión. O camiño foi longo e acabei un pouco cansado, pero
tamén desconectei e estiven entretido coa natureza, e perdín case todas as
clases da mañá. Cando volvía estaba a desgusto por ter que marchar, pero foi unha
moi boa experiencia.
Martín
Díaz
E como non, unhas fotos para dar fe:
 |
En plena camiñada
|
 |
Nunha das paradas informativas
|
 |
Con moito ánimo
|
 |
No Pazo de Quintela
|
|
A información nunca sobra
|
 |
O entusiasmo que non falte
|
 |
En plena natureza
|
 |
Hora da parva
|
 |
Collendo folgos
|
 |
O poder da Fraga
|
 |
Vida verde
|
